• İş saatları 09:00 - 18:00

    Bazar ertəsi - Cümə

  • Bakı, Azərbaycan

    Cəlil Məmmədquluzadə,
    102A, City Point

Qeydiyyatdan Keçin

Bu platformada qeydiyyatdan keçməklə siz aşağıdakı müqaviləni bağlamış hesab olunursunuz. Xahiş edirik, müqavilənin bütün şərtlərini diqqətlə oxuduqdan sonra qeydiyyatdan keçəsiniz.

PMO.az PLATFORMASINDAN VƏ ŞƏXSİ KABİNETDƏ QEYDİYYAT VƏ İSTİFADƏ MÜQAVİLƏSİ

Bundan sonra PMO.az və İstifadəçi ayrılıqda “Tərəf” və birlikdə “Tərəflər” adlanacaqlar.
Müqavilədə istifadə olunan əsas anlayışlar:
Platforma:
 PMO.az saytı və şəxsi kabinetdən ibarət video kurs satış məkanı;
Videokurs: bilik və bacarıqlarını video formatında çəkib, xüsusi platformada yerləşdirilmiş video;
Məhsul: Platforma üzərində satıcının alıcıya təklif etdiyi video kurs;
Alıcı: Platformadan məhsul satın alan İstifadəçi;
Satıcı: Platformada öz məhsullarını satış üçün təqdim edən;
Xidmətlər: öz İstifadəçilərinə Platforma vasitəsilə videokursu satmaq və almaq üçün şərait yaradılması ilə bağlı xidmətlər;
Ödəmə şirkəti: Platforma üzərində ticarət baş verdikdə, ödənişlərin onlayn ödəniş sistemi vasitəsilə həyata keçirilməsini təmin edən, PMO.az təklif etdiyi şirkət.

İstifadəçinin bəyanatları
İstifadəçi Platformadan istifadə edərkən aşağıdakılara zəmanət verir:
- 18 yaşdan yuxarı yaşda olduğuna;
- Təklif edilən məhsulun qanuni şəkildə əldə edildiyinə və onların üçüncü şəxslərin hüquqlarından azad olduğuna;
- Platformadan istifadə zamanı qanunvericiliyin tələblərini və üçüncü şəxslərin hüquqlarını pozmayacağına;
- Platformada qeydiyyatdan keçərkən özü barəsində daxil etdiyi məlumatların doğruluğuna;
- Məhsulun açıqlama hissəsində, Platformanın şərh bölmələrində, eləcə də, elektron ünsiyyət zamanı qeyri-etik, təhqiramiz, təhdidkar, şərəf və ləyaqəti alçaldan ifadələrdən istifadə etməyəcəyinə;
- Videokursu ilə əlaqədar əqli mülkiyyət hüquqlarını pozmayacağına və əldə etdiyi prezentasiya və şablonları digər şəxslərə ötürməyəcəyinə;
- Digər İstifadəçilərin fərdi məlumatlarını toplamayacağına və istifadə etməyəcəyinə.
- İstifadəçi Platformadan istifadə edərkən bu müddəanın və ya bu Müqavilənin digər müddəalarının şərtlərini pozarsa, İstifadəçinin Platformadan istifadəsini müvəqqəti və ya həmişəlik məhdudlaşdırmaq hüququna PMO.az sahibdir.

İstifadə qaydalar
https://PMO.az platformasının missiyası sayt istifadəçilərin öyrənmələrini təmin və Layihələrin idarə olunması sahəsində uyğun resursları əlçatan etməkdir. Sizin üçün layihələrin idarə olunması sahəsində vahid online mühiti yaratmaqla bilik təqdim etmək üçün sahənin yeganə səmərəli üsulu hesab edirik. Sizin, özümüzün, istifadəçilərimiz və təlimatçı komandamız üçün hazırladığımız bu platformanın və xidmətlərimizin təhlükəsizliyinin qorunub saxlanılmasında, əlbəttə ki, müəyyən qaydalar lazımdır.

Davranış qaydaları
Siz qeyri-qanuni məqsədlər üçün Xidmətlərə giriş əldə edə və ya onları istifadə edə və ya hesab yarada bilməzsiniz. Platformamızdan istifadə etdiyiniz müddətdə davranışınız yerli və ya milli qanunlara uyğun gəlməlidir. Tətbiq olunan qaydalara riayət etməkdə yalnız siz məsuliyyət daşıyırsınız.

Şirkətin bu Şərtləri və bizim Etimad və Təhlükəsizlik Təlimatlarımızı tətbiq etmək hüququ var. Biz istənilən vaxt xəbərdarlıq edərək və ya etməyərək bu Şərtlərin pozulmasına görə, sizin ödənişləri geciktirməyinizə görə, gözlənilməz texniki məsələlərə və ya problemlərə görə, uyğunsuz və qeyri-qanuni əməllərlə məşğul olduğunuzla bağlı məlumat əldə etdiyimizdə sizin platformamıza daxil olmaq, xidmət və istiqamətlərimizdən yararlanma xidmətlərindən məhrum edə və ya dayandıra və ya hesabınıza qadağa qoya bilərik. Bu cür dayandırmadan sonra siz hesabınızla platformaya daxil ola bilməz, xidmətlərdən istifadə edə bilməzsiniz. Hesabınız bu və ya digər səbəbdən ləğv olunduqda, platformaya daxil ola bilmədiyinizdə məzmununuz silindikdə, bloklanmasına görə sizin və ya digər başqa bir şəxsin qarşısında məsuliyyət daşımırıq.

Hesablar
Platformamızda müxtəlif istiqamətlər üzrə fəaliyyət üçün şəxsi hesabınızı açmağınız zəruridir. Hesab şifrənizi etibarlı yerdə saxlayın və digər şəxslər tərəfindən istifadə edilməsinə yol verməyin. Hesabınızla apardığınız bütün əməliyyatlara görə siz məsuliyyət daşıyırsınız. Şifrənizin digər şəxslər tərəfindən istifadə olunmasından şübhələndikdə, dərhal info@pmo.az ilə əlaqə saxlayın.

Platformamızda bir çox fəaliyyətlər: qeydiyyatdan keçmək, kursu almaq üçün hesabınız olmalıdır. Hesab yaradarkən şəxsi məlumatlarınızı (ad, soyadı, e-mail adresi, telefon nömrəsi) tam və düzgün daxil etməlisiniz. Hesabınızla bağlantı qurduğunuz andan etibarən şəxsi məlumatlarınız, cihaz bilgiləri. xidmətlərimizin hansı bölməsindən istifadə etdiyiniz, burada keçirdiyiniz zamanla bağlı məlumatlar məlumat sistemimizə daxil eilir. Bu səbəbdən hesabınızla apardığınız bütün əməliyyatlara və ya sizin icazəniz olmadan digər şəxsin hesabınızdan istifadə etməklə apardığı əməliyyatlara, vurduğu zərərə görə siz tam məsuliyyət daşıyırsınız.

Hesabınızın digər şəxs tərəfindən istifadə olunduğunu öyrəndikdə. Dərhal info@pmo.az ilə əlaqə saxlayın. Hesabınızın həqiqi sahibinin siz olduğunu təsdiq etməniz üçün sizdən bəzi məlumatlar tələb oluna bilər.

Ödəmələr
Siz satın aldığınız videokurslar üçün ödəniş etməyə razılaşırsınız. Yalnız siz icazə verdiyiniz təqdirdə ödənişlər üçün biz sizin debit və ya kredit kartınızdan ödənişləri tutmağa və ya digər ödəmə vasitələrini emal etməyə başlayırıq. Bütün ödəniş əməliyyatlarınız AZN (Azərbaycan manatı) ilə aparılır.

Videokursu aldığınız zaman yanlış və ya qeyri-qanuni ödəmə üsullarından istifadə etməyəcəyinizə razılaşırsınız. Əgər ödəniş etdiyiniz videokursa dair ödənişiniz hələ də həyata keçirilməyibsə, siz bizdən bildiriş verildikdən on dörd (14) gün ərzində nəzərdə tutulan ödənişləri ödəməyə razılıq verirsiniz. Əgər müvafiq ödənişlərin ödənilməməsi halı ilə rastlaşılırsa sizin hər hansı videokursa girişinizi ləğv etmək hüququmuz var.

Ödəniş edilmiş videokursun istifadə müddəti 6-aydan 12-ayadək nəzərdə tutulmuşdur. Bu müddət bitdikdə müvafiq kurs deaktiv edilir, lakin şəxsi kabinetinizdən istifadəniz üçün aktiv olur. Bu müddət hər bir videokurs üçün ayrılıqda nəzərdə tutulmuşdur.

Geri ödəmələr
Alıcı satın aldığı hər hansı videokursun istifadəsindən başlamadan imtina etmə hüququna malikdir. Satın alma prosesi sonrası onlayn səhifəsinə daxil oldusa (istifadəçinin qeydiyyat məlumatları ilə müəyyən etmək mümkündür) və videokursun yalnız 1-ci bölməsinə baxıbsa, ödənişi geri istəyə bilər. PMO.az portalından videokurs aldığınız zaman müvafiq keyfiyyətə malik kursu, onun alınma tarixindən 14 (on dörd) gün ərzində (Azərbaycan Respublikasının İstehlakçıların Hüquqlarının Müdafiəsi haqqında Qanunu, maddə 7.3) qaytara bilərsiniz. Əgər siz ödənişini tələb etdiyiniz paketin içərisində göstərilən müddət bitibsə və ya videokursun 1-ci bölməsindən sonrakı videolara baxılıbsa, geri qaytarma istəyiniz icra olunmayacaq və məbləğ hesabınıza qaytarılmayacaq. Krediti və ya ödənişi tələb etmək üçün info@pmo.az ilə əlaqə saxlaya bilərsiniz. Əgər siz qeyri-qanuni şəkildə kredit və ya geri ödəniş siyasətimizdən sui-istifadə etsəniz biz öz səlahiyyətimiz daxilində hesabınıza qadağa qoyaraq platformaya girişinizi əngəlləyir, xidmətlərimizdən istifadənizi məhdudlaşdırırıq. Əgər sizin hər hansı bir formada Etimad və Təhlükəsizlik Təlimatlarını pozduğunuzu bilsək, siz hər hansı krediti və ya ödənişi ala bilməyəcəksiniz.

Baş vermiş xətaları bildirmək üçün info@pmo.az ilə əlaqə saxlayın.

Məxfilik siyasəti
Qeyd olunan məxfilik siyasəti zaman-zaman dəyişdiriləcək və yenilənəcəkdir. Dəyişikliklər edildikdə "Yenidən işlənmiş" olaraq etiketlənəcək və bu səhifədə yenidən yerləşdirildikdən dərhal sonra qüvvəyə minəcək yeni şərtləri yenidən nəzərdən keçirməli olduğunuzu göstərir. Hər hansı bir dəyişiklik edildikdən sonra sayta daxil olaraq dəyişdirilmiş məxfilik siyasətini və orada olan dəyişiklikləri qəbul edirsiniz. Platformaya daxil edilən şəxsi məlumatlar şəxsi kabinetdən istifadəniz üçün saxlanılır. Hər bir üzv öz fərdi məlumatları daxil olmaqla məlumatları dəyişdirmə imkanı vardır. Saytımız üzərindən ödəniş edərkən kart məlumatlarınız tərəfimizdən heç bir halda saxlanılmır.

Toplanan məlumatlar
Videokursları əldə etmək üçün şəxsi kabinet yaradılmalıdır. Şəxsi kabinet  yaradıldıqda əlavə edilmiş istifadəçi adı, soyadı, şifrə, e-mail adres, telefon nömrəsi kimi zəruri məlumatlar qorunub saxlanılır.

Videokursları aldığınız təqdirdə və qatıldığınız andan etibarən, videokurslara, tapşırıqlara başladığınız, tamamladığınız, təlimçilərlə, digər iştirakçılarla qarşılıqlı əlaqəniz, yaranmış suallara cavablar, videokurs təlimatlarını yerinə yetirmək üçün verilən məsləhət və tələbləri özündə birləşdirən məlumatlar saxlanılır. Saytımız üzərindən ödəniş edərkən kart məlumatlarınız tərəfimizdən heç bir halda saxlanılmır. Videokursu bitirdikdə sizə təqdim edilər sertifikatların paylaşımı, anket sorğuları vasitəsilə öz rəyinizi bildirməyə, çəkilişlərə qatılmağa dəvət edə bilərik.

İştirakçının ödəniş məlumatları: videokursu satın almaq istədiyiniz təqdirdə vermiş olduğunuz sifarişi həyata keçirmək üçün satın alma ilə bağlı bəzi şəxsi məlumatlarınız daxil edilməlidir.
Dəstək almaq və ya hər hansı problem yarandıqda bizimlə əlaqəyə keçmək istədiyiniz təqdirdə daxil etdiyiniz məlumatlar: mesajlar, adınız, e-mail adresiniz və həm sizin, həm də bizim avtomatik olaraq təqdim etdiyimiz məlumatlar qorunub saxlanılır.

Paketlər
Qiymətlər, şərtlər və xidmətlər şirkət tərəfindən təmin edilən paketlərin içərisində müəyyən edilir.
Kurslarımız üçün mütəmadi olaraq, kampaniyalar və endirimlər edirik. Kurs üçün tətbiq olunan qiymət sizin kursu aldığınız zaman ödədiyiniz qiymət olacaq. Hesabınıza daxil olarkən müəyyən bir kurs üçün təklif olunan hər hansı bir qiymət qeydiyyatdan keçməyən və ya hesabına daxil olmayan istifadəçilərə mövcud olan qiymətdən fərqli ola bilər, çünki bizim bəzi kampaniyalarımız yalnız yeni istifadəçilər üçün mövcuddur.

Hüquqlarımız
https://PMO.az platformasına, veb səhifəyə, xidmətlərə, indiki və gələcək tətbiqetmələrə, işçilərimiz tərəfindən daxil edilən məzmunlara sahibik. Siz bunları saxtalaşdıra və icazəsiz istifadə edə bilməzsiniz. İndiki və gələcək tətbiqetmələrimiz, veb səhifəmiz, işçilərimiz və tərəftaşlarımızın xidmətlərimiz vasitəsilə təqdim və təmin edilən məlumatlar müstəsna olaraq mülkiyyətimizdir və belə də qalacaq. Platformamız və xidmətlərimiz hüquq qanunları çərçivəsində həm Azərbaycan Respublikası, həm də beynəlxalq qanunlar daxilində qorunur. Heç bir şəkildə platformamıza daxil edilən məzmunların, adların, nişanların digər bir şəxsin adından təqdim olunmasına və yayınlanmasına icazə verilmir. Xidmətlərimizə daxil edilən rəy, irad və təkliflər könüllü formada bildirilə bilər və uyğun gördüyümüz rəy, təklif və iradlardan istifadə edə bilərik.

PMO.az platformasindan və şəxsi kabinetdə qeydiyyat və istifadə müqaviləsi
Xidmətlərimizdən istifadə etmək üçün qeydiyyatdan keçdiyiniz andan etibarən müqavilə bağlamağa razılıq verirsiniz. Şərtlər sizə uyğun deyilsə, qeydiyyatdan keçməyin və xidmətlərdən istifadə etməyin.

İstifadəçi Platformada qeydiyyatdan keçdiyi andan etibarən bu müqavilə qüvvəyə minir və hər iki tərəf üçün məcburi hüquqi qüvvə daşıyır.

Mübahisələrin həlli
- Bu Müqavilə və Tərəflər arasında bu Müqavilədən irəli gələn bütün münasibətlər Azərbaycan Respublikasının qanunvericiliyi ilə tənzimlənir.
Tərəflər arasında bu Müqavilədən irəli gələn bütün mübahisələr danışıqlar yolu ilə həll olunur.
Tərəflər arasında bu Müqavilədən irəli gələn mübahisələrin danışıqlar yolu ilə həlli mümkün olmadıqda, həmin mübahisələr Azərbaycan Respublikası qanunvericiliyi əsasında məhkəmə qaydasında həll edilir.

PMO.az  materiallarına və yazılanlara görə heç bir məsuliyyət daşımırıq.